Наран
мандах өглөөг
сэтгэлийн гэрлээр сүлээд
Навчис
хагдрах бүрийд
гунигийг нь хөнгөлөхсөн ээжийнхээ
Үрээ
гэсэн ээжийтэй хүн
буруудахын мөргүй орчлондоо
Үүлэн
сүүдрээс ч төөрүүлэн
ачилж асрахсан ээжийгээ
Ижий, ижий бүхэн
үрдээ гэгээн суварга аа
Ижилсэх нь үгүй дэвэрсэн
хайрын сүүн урсгал аа
Ээжий ээжий бүхэн
сэтгэлийн гэгээн суварга
аа
Ирэх буцахын дэнсэн дээр
ивлэж халгисан их урсгал аа
Угтан
золгох өглөөд
ээжийгээ санасаар сэрээд
Урсан
илбэх салхиар
уйтгарыг нь үргээхсэн ээжийнхээ
Цацлаа
өргөсөн ээжийтэй хүн
бүдрэхийн учиргүй хорвоодоо
Цагийн
урсгалыг ч төөрүүлэн
мөнхөд эрхлэхсэн ээжийдээ
Ижий, ижий бүхэн
үрдээ гэгээн суварга аа
Ижилсэх нь үгүй дэвэрсэн
хайрын сүүн урсгал аа
Ээжий ээжий бүхэн
сэтгэлийн гэгээн суварга
аа
Ирэх буцахын дэнсэн дээр
ивлэж халгисан их урсгал аа
No comments:
Post a Comment